Қарабұлақ ауылының үлгілі кітапханасында Республика күніне орай «Қазақстан – бейбітшілік пен ізгілік мекені» атты поэтикалық сағаты өткізілді. Іс-шараның мақсаты – Қазақстан Республикасы туралы түсініктерін арттыру. Отанын,туған жерін, туған елін сүюге,құрметтеуге үйрету. Іс-шараға 6 «А» , 6 «Б» сынып оқушылары мен сынып жетекшілері Арипова Е.А., Мухаметжан А. А., Мурзагалиева Ұ.Ж., және оқу-тәрбие ісі жөніндегі Оразалина З.З.қатысты.
Іс-Шара Қазақстанның әнұранын тыңдаумен басталды. Оқушылар мерекенің тарихы, мемлекеттік рәміздер, қазақ халқының салт-дәстүрлері, халық батырлары мен табиғи өлкенің байлығы, халық музыкалық аспаптары, республикаға танымал тұлғалар туралы білім алды. Оқушылар Отан, Тәуелсіздік, достық туралы тақпақтар оқыды, кітап көрмеге қысқаша шолу жасалды,бейнеролик тамашалады.